பாலிவுட் திரையுலகின் நட்சத்திர ஜோடி ரன்பீர் கபூர் மற்றும் ஆலியா பட் நடித்த ’பிரம்மாஸ்திரம்’ என்ற திரைப்படம் கடந்த ஆண்டு வெளியாகி மிகப்பெரிய வரவேற்பை பெற்றது என்பது தெரிந்ததே. ஹிந்தியில் வெளியான இந்த படம் தமிழ் உள்பட பழமொழிகளில் டப்பிங் செய்யப்பட்டு உலகம் முழுவதும் ரிலீஸ் ஆனது என்பதும் இந்த படம் 430 கோடி வரை வசூல் ஆனதாகவும் கூறப்பட்டது.

ரன்பீர் கபூர், ஆலியா பட், அமிதாப்பச்சன், நாகார்ஜுனா உள்பட பலர் நடிப்பில் அதிரடி ஆக்ஷன் காட்சிகள் மற்றும் கிராபிக் காட்சிகள் கொண்ட இந்த படம் மிகப்பெரிய அளவில் ரசிகர்களை கவர்ந்தது நிலையில் இந்த படத்தின் அடுத்தடுத்த பாகங்கள் குறித்த தகவல்கள் சமீபத்தில் வெளியாகின.

இந்த நிலையில் ’பிரம்மாஸ்திரம்’ படத்தின் இரண்டாம் பாகம் மற்றும் மூன்றாம் பாகம் தயாரிக்கப்பட உள்ளது. இந்த படங்களின் ரிலீஸ் தேதி குறித்த அறிவிப்பு அதிகாரபூர்வமாக வெளியிடப்பட்டுள்ளது..

’பிரம்மாஸ்திரம்’ படத்தின் இரண்டாம் பாகம் 2026 ஆம் ஆண்டு வெளியாகும் என்றும் மூன்றாம் பாகம் 2027 ஆம் ஆண்டு வெளியாகும் என்று அறிவிக்கப்பட்டுள்ளது. முதல் பாகத்தில் நடித்த பலர் இரண்டாம் மூன்றாம் பாகங்களின் நடிப்பார்கள் என்று எதிர்பார்க்கப்படுகிறது.